Este ano en Fapacel , inauguramos a sección de charlas informativas para familias en liña. Son charlas que versarán sobre as competencias dixitais , fomento da inclusión e realidades LGTBI+, resolución de conflictos e educación emocional.
O 29 de xaneiro comezaremos coa charla sobre competencias dixitais onde os eixos da formación serán o control parental e o Abalar.
O seguinte mércores, 5 de febreiro, Arelas ofreceranos unha charla na que se abordarán os seguintes temas:
1. Conceptos clave para comprender a diversidade afectivo-sexual e familiar.
2. A transexualidade infanto-xuvenil, unha aproximación a súa realidade. Como acompañar a transexualidade infanto-xuvenil.
3. As familias ante xs fillxs LGTBI+.Principais formas de exercer e vivir a LGTBIfobia.
4. Marco normativo estatal e autonómico
5. ¿Qué caracteriza a unha “Escola sen armarios” ?: Exemplos de boas prácticas en centros galegos.
A seguinte sesión, celebrarase o 12 de febreiro, Co(n)razón, na cal falaremos sobre poñer límites con cariño e firmeza, ferramentas de disciplina positiva, recursos para resolución de conflictos e volver a conectar cos nosos fillos e fillas.
Por último, pecharemos esta tandada de formacións o 19 de febreiro, no cal profundizaremos en estilos parentais, limites e normas, diferencias entre castigos e consecuencias, educando a tolerancia á frustación e potenciar a intelixencia emocional da rapazada.
Chegaravos ó correo electrónico que nos facilitedes o enlace web para que , o día e hora da charla, podades conectarvos. Utilizaremos a plataforma Webex para que preparedes os vosos dispositivos descargando a aplicación, se é que aínda non a tedes.
Recordade que as charlas son totalmente gratuitas e abertas a quen queirades asistir.
Agardamosvos, familias!!!!!!!